2024-2025 ikasturterako matrikulazio-aldia otsailaren 7tik 23ra bitartekoa da. Semea edo alaba Jadon matrikulatu nahi baduzu edo informazioa jaso nahi baduzu, ikastetxearekin harremanetan jarri besterik ez duzu egin behar 94 467 25 58 telefono zenbakiaren bitartez edota inprimaki hau bete.
Zirrara, irudimena, koloreen dirdira, izugarrizko sormena… Hauxe guztia dugu gure ikasleek egin dituzten gabon postaletan. Lehiaketak utzi dizkigu bost irabazle: Ander Ruiz (Haur Eskola), Eyra Azkarateaskasua (Haur Hezkuntza), Uxune Caballero (Lehen Hezkuntzako 1-2-3), June San Millan (Lehen Hezkuntzako 4-5-6) eta Ibone Mentxaka (DBH). Hautaketa ez da erraza izan, ikasleek margoturiko postal ugari kalitate handikoak baitira eta merezimendu osoz lehiaketa irabaz zezaketen.
Jadoko Lehen Hezkuntzako 5. mailako ikasleek irabazi dute Dantza Bai lehiaketaren bigarren edizioa. Beste ikastetxe batzuen aurrean lortutako saria irailetik hona Jado ikastetxean Gorputz Hezkuntza irakasgaian egindako lanaren emaitza da. Astean saio bat eskaini zaio diziplina horri. Ikasleek hainbat dantza ikasi dituzte, hala nola countrya, bachata eta egungo erritmoak. Gainera, kirol-dantzak osasuna, erritmoaren zentzua, gorputzaren koordinazioa, gaitasun artistikoak eta laguntasunaren, diziplinaren eta talde-lanaren balioa ematen ditu. Zorionak, txapeldunak!
Eusko Jaurlaritzak Kudeaketa Aurreratuaren Diploma eman dio Jadori, lehiakortasuna hobetzeko jardunbide egokiak eta kudeaketa-tresnak biltzen dituen eredu horren garapenean erakutsitako konpromisoagatik.
Aurreko ikasturtean bezala, EiTBk bultzatutako maratoian parte hartu dugu. Edizio honetako helburua minbiziaren ikerketarako diru-bilketa da. Jadon guztiok batera ekin diogu erronkari! Minbiziaren aurka aukera berriak!
JADO IRRATIA Podcast proiektu berria aurkeztera gatozkizue. Lehenengo programa Euskararen Nazioarteko Egunaren harirakoa da eta Lehen Hezkuntzako 4. mailan garatu da. Hizkuntza Batzordeak sustatu du Jadoko ikasleek idatzizko eta, bereziki, ahozko komunikazioa hobetzeko beste tresna bat izan dezaten.
https://www.ivoox.com/euskal-astea-2023-audios-mp3_rf_120303450_1.html
Emakumeen Aurkako Indarkeria desagerrarazteko Nazioarteko Egunean, Haur Hezkuntzako eta Lehen Hezkuntzako hausnarketez eta jarduerez gain, DBHko 4. mailako ikasleek Erandioko Udalak antolaturiko ekitaldian parte hartu dute. Eta, bertan, manifestu bat irakurri dute euskaraz, gazteleraz eta ingelesez.
Erandioko Udaleko Euskara Zerbitzuaren laguntzaz, Jadoko DBHko 4. mailako ikasleek Lokuzio eta Bikoizketa Tailerra egiten dute. Horrela, ohartzen dira jarduera honen garrantziaz zenbait arlo profesionaletan, publizitatean eta filmen bikoizketan, kasu. Halaber, mikrofono baten aurrean hitz egite hutsak gure ikasleei segurtasunez eta konfiantzaz mintzatzen laguntzen die, baita ahozko komunikazio-gaitasun bera hobetzen ere. Eta berau berebizikoa da, ezin baitugu ahaztu gure eguneroko komunikazio gehienak ahoz egiten ditugula.
Jadoko DBHko 1. mailako ikasleek Bertizen (Nafarroa) gozatzeko aukera izan dute naturan zeharo murgilduta hiru egunez. Nafarroako inguru zoragarri horretan zenbait abentura-kirol egin dituzte, hala nola rafting, arroilen jaitsiera, via ferrata baten eskalada, rapela, ur putzuetako jauziak, altuerako soka zirkuitoa zuhaitzez zuhaitz eta tirolina. Horrez gain, bertoko kultura eta euskararen ezagutzeko parada izan dute.
